वीरगञ्ज भन्सार नाकाबाट ४ अर्ब ८३ करोडको औषधि, आयात

१४ असार, वीरगञ्ज । लकडाउन सुरु भएदेखि हालसम्म वीरगञ्ज भन्सार नाका हुँदै ४ अर्ब ८३ करोड ३९ लाख ४९ हजार ३ सय ९२ रुपैयाँको तयारी औषधी, कच्चा पदार्थ र केमिकल आयात भएको छ । ०७६ चैत ११ गतेदेखि ०७७ असार ७ गतेसम्म ४ अर्ब ९ करोड ५१ लाख ३ हजार ७ सय ५५ रुपैयाँको औषधि र ७३ करोड ८८ लाख ४५ हजार ६ सय १५ रुपैयाँको कच्चा पदार्थ तथा केमिकल आयात भएको वीरगञ्ज भन्सार कार्यालयले जनाएको छ ।

२२ लाख ८३ हजार ६ सय १७ किलो औषधि आयात हुँदा वीरगञ्ज भन्सारले २१ करोड ३ लाख ६९ हजार ५ सय २७ रुपैयाँ राजश्व संकलन गरेको छ भने ५२ लाख १५ हजार ६ सय ८ किलो कच्चा पदार्थ र केमिकल भित्रिँदा ६ करोड ६५ लाख ४१ हजार ३ सय ९८ रुपैयाँ राजश्व उठेको छ ।